Letra da Música De Gaa Kroaspuntmoeikes de K.I.A.

Go oepzaa of ik raa oe oemvaar me m’n airodynamische winkelkaar. Men oëge ston waat ope mo ‘k zin alliën recht veu ma,
dus go uit menne weg of ik raa oe van de braa. Big Shopper stoo er oep m’n winkelkabas joa ik zen een echt waaf van de basklas me e stuk of 2,3
onderkinne en e ferm poor zwette plastieke botinne.
Onze Pros dieje werkt baa den azere weg mo deu een werkongeval kregt em ze biën nemië recht.
Dat is ons sjans ,
na trekke we van de ziekekas,
Oept Gaa Kroaspunt komt da geld goe van pas want ik zen e Gaa Kroaspunt Moeike en onze Pros zuipt te veul ,
ha zit weal met ‘t poeike.


‘k Hem veu hem nog ves ne pizjema gekocht,
want haa reklameert dat in de komer toch zoë tocht,
mo dattem liever no de pluister rond de luster zie,
want de kalk valt al nen taad oep menne mis en plie.
‘k Hem godverdoeme nog ves het meubilair geboend,
swent zit mesjeu ze geld in’t staminee oep te doen.
Mo sinds dees maand is’t gedoon ,
ik hem ze geld afgepakt.
Dus na gon we noo’t Gaa Kroaspunt me de Big Shopper zak.
Elke zondagveudenoen jest de Sierra in’t sop,
dan trekke de gebure nogal ne kop zoe van den onze blinkt toch hetter en den ale zie toch zwetter.
want ik zen e Ga Kroaspunt Moeke en onze Pros zuipt te veul ,
ha zit weal met ‘t poeike.
Elke zoterdag no de kwaffeur,
veu ne permenant of een vesse kleur,
dernoo efkes noo bakkeraa Smeekens,
want zoterdag ete welle gere pistolekes.
En no de noen weet ik goe wa’k gen doen,
ik gen no’t Gaa Kroaspunt ,
oep zuuk no de leste nieve praazestunt,
is zien of da ge iet gratis pruuve kunt.
Is zien no de kuipekes in de vitrin,
is zien ofdak ge schoën kliëke vin.
Want e Gaa Kroaspuntmoeike da zennekik.
Ast solde zen zennekik in menne schik.
En veu onze Pros koewepek soems een hum,
want oon kliëre oon ze gat koëpe is em ni het slum.
Onze Pros is de lesten taad toch moo ne vieze,
Tiënigste wattem nog doe is in’t duivelokaal goon wieze.
En int bed ist ok al gene vette nemië,
alliën assem gedroenken hei ist nog ne vrië.
Wonnekik toch moo de lotto , dan kochtekik een zonnebank en onze Pros ne nieven otto.
Men dochter pakt altaa gaste die ze ni kan krage,
ik zeg het ,
die manne paze alliën oon hun age.
Mo ik zaa ze gere koppele oon de zoon van Francine,
daddes ne goeie joeng en do zit nog toekomst in.
want ik zen e Gaa Kroaspunt Moeike en onze Pros zuipt te veul ,
ha zit weal met ‘t poeike.


Sebiet no den dienst veu e sterfgeval,
en derno no onzen Tony ze crossersbal.
Do doen welle dan mee oon den tombola,
misschin winne we dan wel e fleske cider of draa.
Onze Pros drinkt Pale ale ,
ik pak e stuk sjokolat want as waaf drinkte ge bier en zerre zeker ni zat.
As we nen troge gen danse zit onze Pros oon m’n kont mo efkes loter valt em mee zen zatte kloëte oep de grond.
Dan wed het hie veu maa toch wel iet te werm,
dan pakkik men sjakosj onder manen erm
Dan weet ik dat subiet in’t bed go stoave,
zoe kennek em: as em zat is dan lost em zen doave.
Dan swanjeert em menne gazon me ze gesmasjien,
en red em zenne Sierra m’n garage in.
Mo no 2 minute gaas stotem noch oep^t straat en dan masseer ekik mazelf me ma bibberapparaat.
want ik zen e Gaa Kroaspunt Moeike en onze Pros zuipt te veul ,
ha zit weal met ‘t poeike