Letra da Música Oermens de Normaal

De zon kump op, pien in de kop
Ik trek de gerdienen los
Deur 't felle licht, kniep ik de ogen dicht
En dan ruuk ik de lucht van 't bos
Ik snoef een paar keer, gin heufdpiene meer
En verget ik al die dingen die ik nog doene mos

refr.:
Dan begint 't oermens in mien te ontwaken
Dan begin ik oerwoudkreten te slaken
Dan bun'k gin burgerman meer
Moar net een grizzly beer
En 't is prima um frustraties kwiet te raken

Soms denk ik wel, veronderstel
Dat iemand mien zo bezig kon zien
Blieft ze stoan, der tussenuut goan
Of de ziekenwagen bellen misschien
Dan roep ik weas niet bang, dit heb ik allang
En 't is een goed recept woar ik gin knaak an verdien

refr.

Dan doe ik mien stropdas veur, deodorant met een geur
En loop ik netjes in de pas
Bi-j mien op de zaak, doar merk ik heel vaak
Dat ze mien niet meugen, ik bun een slijmbal eerste klas
Moar zit 't werk d'r op, alles opgekropt
Stop ik onderweg mien kleren in de aktetas

refr.