Letra da Música Midwintersdoagen de Age Van Der Velde

refr.:
Midwintersdoagen, zwoare luchten
In sloten ligt aal doemdiek ies
'k Heur klokken van ol durpskerk
Speulen veur mie n vertraauwde wies
Midwintersdoagen, bliede gezichten
In koamer staait kerstboom kloar
Balen, slingers, steerns en keerskes
Kerstkraans van sukkeloa

'Pittje rieden' op rug van pabbe
Bie hom op knij las hai mie veur
't Jonkje Remie 'Allain op Wereld'
Winnetou, Dik Trom, Ben Hur
'k Wait nog goud, soamen noar d'iesboan
Leerde mie scheuveln, dee 't mie veur
Pootje over, haanden op rugge
Ikke achter, pabbe veur

refr.

Tied is west van beudel weden
'k Denk mit Kerst der geern aan trug
Mooiste joaren van mien leven
'Pittje rieden' op pabbes rug
't Is weer as in vrouger joaren
't Femiliefeest dak weer beleef
't Verschil van doudestieds mit 't heden
Pabbes stoul veur aaltied leeg

Midwintermurgen, snij is smolten
Zun staait leeg en ik wait:
Bloumen zellen eerdoags weer bluien
't Nije leven dat veurjoar hait