Letra da Música Opoe de Age Van Der Velde

Der is n vraauwtje in mien leven
Woar ik zörg veur droag
Ondertied is ze negenteg joar
Toentjen dut ze groag
In vrougertied was t leven van heur
Nait aaltied zunneschien
Oorlog, aarmou, kinder kwiet
Noast vreugd ook hail veul pien

Twijmoal in week bie opoe laangs
k Goa voaker als ik kin
Twijmoal in week is noeit te voak
k Bin bliede as k der bin

Ik kiek heur aan as ze in stoule zit
En zai n zaacht geloat
n Laag, maar sums komt ook n troan
As t over vrouger goat
Sitrountje sukker elke dag
Dat roak je aan heur wel kwiet
Heupen en knijen dij binnen zo zo
Mor t koppie nog bie de tied

Wiedkieker aan, kraant op schoot
Heur ogen valen sums even dicht
Ze zit din rechtop in heur stoul
n Glimlag op t gezicht
Ik hoop dat ik nog tieden laank
Bie opoe laangs mag goan
Ik wil der nou al wel weer hin
Al kom k der net vandoan